Årets Hortenmesse var kanskje ikkje den med best deltaking av utstellarar, men publikumstalet var likevel bra. Og på same måte som i fjor var vi tre audiofile herrar som vitja messa, etter ei solid oppvarmingsrunde på austsida av fjorden – i Fredrikstad. Og som i fjor deler vi opp inntrykka frå dei same tre herrene, og Stig Arne er fyrst ut.
Del 1 – Stig Arne sine inntrykk
Redaktør Karl Erik, Arve og meg kom til Horten laurdag rett før lunsj, og hadde slik sett avgrensa tid til rådvelde, sidan me måtte reisa sundag ettermiddag tidleg nok til å rekka diverse transport heim att. Me raste frå rom til rom, stundom i lag, stundom kvar for oss. Det var god lyd å høyre mange stader, og færre stader der lyden ikkje fall i smak.
HiFi Klubben
HiFi Klubben heldt som vanleg til i den store Fjordsalen A, direkte andsynes resepsjonen, so det fall seg naturleg å starta der, i år som i fjor. Dei starta demoen kvar time, og Fredrik Berge informerte oss om at det var lurt å koma litt tidlegare for sitjeplass. Her kunne me sjå at -Klubben sin nye råkkehøgtalar Vestlyd 15C har kome i ein meir stove-venleg versjon, ein eike-imitasjon (?) i vinyl, til same pris som den gamle, kring 20.000. Eg har omtala denne tidlegare.
Ein annan høgtalar vart demonstrert denne gongen, Mofi Sourcepoint 10, eit iaugnefallande kabinett med originalt fasettert front og midtplassert koaksialelement på 10 tommar. Han veg 21 kg og vil kostar kring 58.000kr. Stor lyd og voldsam dynamikk, mykje meir enn ein kunne tru ein 10” kunne klare i eit stort rom. Bassen var utruleg presis, kan det symmetriske kabinettet vera medverkande? Ikkje berre er dette eit koaksialt element der all lyd - inklusive diskanten - kjem ut frå same punktet i same elementet, men to bassportar på baksida av kabinettet var plassert symmetrisk over og under elementet. Normalt vil ein helst unngå å plassere elementet midt i kabinettet, sidan refleksjonane summerer seg opp der. Uansett særs imponerande og ganske morosamt, men lyden hella svakt mot det “kjølige”. Det gjorde ikkje den store Dali-høgtalaren til venstre på biletet, som let balansert og musikalsk, og med djupare bass, men med sine mange element ikkje like presis. Mofi er, som du mistenkte, plateselskapet Mobile Fidelity, og høgtalaren er konstruert av den etter kvart vidgjetne Andrew Jones (TAD, Elac osb.)....
Les heile messerapporten del 1 i Audiophile.no