Me har vore vekke heile helga, og då må det skrivast ferdaminne, må vite. Eller messereportasje. Sei meg, korleis skriv ein eigentleg ein messerapport? Og grunnen til at eg spør, er at den vanlege troikaen - eller "gutta på tur" - har vore i Horten på den årvisse hifi-utstillinga. Også kalla “fesjå” her vest om det er sauer involvert, i dette tilfelle festivaldeltakarar.
FERDAMINNE
Me har sjølvsagt diskutert dette på førehand. Og det er ikkje fyrste gongen me er her, so dette har me forsåvidt vore gjennom før: Redaktør Karl Erik er den som tar sikte på å rekkja over alle romma, og skriv utførleg om alle produkta; med bilete. Han er eit organisert menneske, han Karl Erik, det skal han ha, og slik må ein vel og vera, om ein er arkitekt. For korleis hadde elles husa våre sett ut? Eg er meir ein vims som går seg vill, og som skriv om det som fengjer meg, og drit i resten. Og Arve gjer som han vil. Brått er han vekke, og dukkar ikkje opp att før det ringjer for friminutt.
Korleis meiner lesarane ein Messerapport skal utformast? Me tek gjerne imot synspunkt på det. I gamle dagar - sjekk t.d. The Absolute Sound - var ein messerapport noko dei presenterte på dei siste sidene, nærast som sovemiddel. I dag blir messene slått stort opp. I kva grad skal eg bry meg om lyden på dei ulike romma? Er det noko eg skal dela, eller overlata til lesarane sjølve å finna ut av? Det eg likar er ikkje sikkert du likar. Men sidan du les dette, er du kan hende likevel interessert i kva eg meiner? Det er ein vanskeleg balansegang dette. Etter 50 år med HiFi har eg utvikla til dels bastante meiningar om mangt, men ein skal ikkje pressa desse ned over hovudet på folk. Eg er diverre kjend for nettopp det. Eg fortel gjerne om dei, men me pliktar etter mi meining å opptre høfleg og balansert. Det gjeld og i skrift. Elles er det jo berre kjeft å få. Eg har skrive for mange redaktørar, og dei kan fortelja deg at dei nyttar omgrepet “balansert" heller enn “objektivt”. Det er langt mellom objektive sanningar. Lytting er ei subjektiv oppleving....
Les heile messerapporten frå Stig Arne i Audiophile.no
og en flott reportasje 