Ja eg visste jo at Noreg skulle opna opp att kl. 4 i dag, men ante ikkje at det ville verta feira som ein frigjeringsdag over heile landet, Inklusive på Voss.
Laurdagen vart prega av av usikkerhet og improvisasjon - som seg hør og bør på ein jazzfestival. “Sagn" ved Arild Andersen (klokka 5) vart avlyst grunna fråver/sjukdom, og eg såg meg om etter alternativ. "Klangen av Hoem” med Ine Hoem hadde eg i utgangspunktet streka over, eg har gjort meg kjend med ho via Spotify og YouTube, og konkludert med at dette var litt for snilt for meg. Det var litt i sjangeren vise/pop. Men etter kvart gjekk det opp for meg at dette likevel kunne vera eit alternativ. For med seg hadde ho fleire av dei beste jazzmusikarane i landet, eg talte 14 personar på scena, inklusive pappa Edvard Hoem! Konserten - eller showet - vart skipa til av Ine i høvet 70-årsdagen til faren. Sidan har dei turnert rundt med dette showet, som no altso var tinga til Vossajazz.
Les heile laurdagsrapporten frå Vossajazz 2021 i Audiophile.no
