Årets Osafestival var den 30. i rekkja. Grunna coronarestriksjonane og kravet til avstand flytta festivalen i 2020 inn i Voss Idrettshall for dei store trekkplastera på kveldstid, og med god plass este talet på besøkjande til det mangedoble. Frå 18 programpostar og 2 mill. kroner i omsetnad i 2018 auka dette til 50 og 4,6 mill. i fjor. Tala for i år har eg ikkje, og eg har ingen planar om å ringa festivalleiar Ida Dyrkorn Heierdal for meir info. Ho skal får kvila seg eit par dagar.
TORSDAG
Festivalen tjuvstarta alt torsdag med to konsertar i baren på 3 Brør, som tidlegare var potetkjellar i denne flotte trebygninga på Torget midt i Voss sentrum - ein populær tilhaldsstad både for vesser (vossingar) og turistar, særskilt sumarsdagen med uteareal. “Supportbandet" Vegard Hansen og Ragna V. Sletten, som fann både samspelet og kjærleiken på Osa-akademiet tidlegare, varma opp med vakre låtar på trekkspel og fele, og som alltid med folkemusikarar - lystige og mindre lystige soger mellom låtane. Men dei siterer eg ikkje, for det er musikarane sin løyndom, ein del av showet som dei reiser rundt med. Dei som ikkje møter, lyt berre finna seg i å gå glipp av moroa! God lyd frå gamal Bose PA....
Les heile artikkelen om Osafestivalen hos Audiophile.no....
