Eg skal skriva meir frå Japan, og om ein svipptur til SoundVienna-messa i Austerrike, og det er berre ein del av alt som står på lista. Medan eg jobbar med dette hadde eg lyst til å slappa av litt og berre presentera mitt eige anlegg, for her er alt nytt. Ikkje nytt nytt, alt er brukt og til dels gamalt, men det er nytt for meg. Praktisk tala heile anlegget er skifta ut i løpet av nokre månader, del for del, og det har verkeleg vore ei openberring, slik eg opplever det. Sjølv om eg ikkje trur på denslags.
Full sirkel
Ein gong i tida hadde eg eit flott anlegg beståande av Audio Research separat forforsterkar og effektforsterkar og Quad høgtalarar, både dei gamle 57 og dei nye 63. Det må trygt kunne kallast eit HighEnd-anlegg. Alt dette vart idiotisk nok selt. Det er lenge sidan, og vi var ikkje so røynde då. Turen gjekk vidare til integrerte transistorforsterkarar og mindre eksotisk utstyr, av grunnar eg korkje hugsar eller forstår. Blant anna sverja eg i ein periode til Nad 3020, men det kan me koma attende til. Eg har dei framleis. Uansett, eg forstod tydelegvis ikkje verdien av det gamle anlegget, eller forstod å utnytta det fullt ut. Særskilt røyrutstyr krev pleie og innsikt.
Les heile juni-dagboka i Audiophile.no
