Sola har skine i heile Sør-Noreg i ein lengre periode no, og må ha tenkt at nok er nok, og reist heim. Og det rett før påske! I dag ligg skyene tungt, og det var på nippet at eg kom tørrskodd ned på Gamlekinoen i Voss. Spelar ingen rolle, me ska på konsert, ikkje til fjells. Det er fyrste konserten, fredag kl. eitt, dagtid, ikkje kveld, og Room Service skal spela; elevar frå jazzlina ved NTNU i Trondheim.
ROOM SERVICE
Det var ein tidleg højdare. Ikkje mindre enn 10 utøvarar fylte heile scena, med to trommeslagarar -i front, det har eg ikkje sett før. Opningsnummeret var forrykande, og me vart servert 8 rettar med gourmet-jazz, ein komponert av kvar. Då er det to som slapp billeg, muligens trommisane, men dei jobbar ganske hardt uansett.
Dette var friskt, variert og inspirert, og applausen sat laust, sjølv om det var tidleg på dagen og dei fleste var edru. Det var gratiskonsert dette, for ungdom i alle aldrar, so eg kunne spart meg å stressa innom billettkontoret for band rundt armen. Uansett rakk eg konserten, og samspelet var tett og presist, sidan dei har turnert i to veker. Vossajazz var siste konserten deira på denne turneen. Trommeslagarane var teknisk dyktige og rytmiske, og syngedama til å få gåsehud av. Veldig flink gjeng dette, som eg vonar å få høyra meir i frå....
Les heile artikkelen i Audiophile.no
