Dersom du berre har erfaringar med ein Grado Gold, kan du vite at dette er rekna for å vere ein god pickup, som ikkje er vanskeleg korkje når det gjeld riaatrinn eller pickuparm. Du har det altså godt i utgangspunktet, og dersom du likar lyden, er det ingen grunn til å bytte for å bytte.
Men dersom du vil utvide horisonten, trur eg det kunne vere verdifullt å prøve MC-pickupar på eit visst kvalitetsnivå. Moving Coil-pickupar har ein annan måte å "tilnærme seg musikken", for å seie det på ein nerdete måte. Her er det massevis av produsentar og utgåver, som svært få har nokonlunde overblikk på (her kan eg tilrå å spørje Rudi, som truleg er den personen her i landet som har finlytta til flest pickupar - iallfall i moderne tid) Det er veldig mange svært gode slike MC-pickupar, og dei startar på ein tre-fire tusen og går veldig høgt oppover. Så har du dei to utfordringane som fylgjer med MC-prinsippet. For det fyrste må du ha ein spesiell MC-forsterkar eller trafo. Dei har typisk svært lågt utsignal, og må ha andre lastar enn MM-pickupar som Gradoen din. Dessutan er det slik at mange av dei har sliping som er svært krevjande når det gjeld tonearmen sine kvalitetar. Der ein MM-pickup kan klare seg med ein heilt grei arm, vil ofte ein litt påkosta MC yte langt betre med ein "superarm" med gode lager og topp geometri.
Før pickupen din er utsliten, burde du invitere deg sjølv på besøk hos folk med ymse vinylriggar, slik at du kunne få gjort deg opp meining om dei ulike alternativa.
Lukke til!
