Europe. The Struggle for Supremacy, 1453 to the Present (Simms, Brendan)
Vet ikke hvor stor forskjell det er imellom denne og Rolf Hobson sin bok?
Har ikkje lese Simms. Den nye boka hans,
The Return of the Great Powers ser interessant ut.
(Sjølv om boka kom ut før den siste krigen mot Iran. Det er litt ironisk, når ein prøver å vera veldig up-to-date og relevant, står ein samtidig i fare for å verta snøgt utdatert. Peter Englund skreiv ein gong om at når han rydda i privatbiblioteket sitt, var «dagsaktuelle artikkelsamlingar» det første som rauk ut)
Den boka eg nemnde av Hobson er meir spesialisert, og krinsar om samanhengen mellom militære doktrinar og konfliktformer og statssystem i perioden. Hobson har ei anna bok,
Europeisk politisk historie 1750–1950 (2015), som kanskje er likare boka til Simms. Men Hobson er ganske tydeleg på at han har cut-off om lag når den kalde krigen startar.
Båe står tydeleg i «grand strategy»-tradisjonen etter Paul Kennedy (The Rise and Fall of the Great Powers, 1987), som iallfall Hobson veldig tydeleg knyter seg an til. Det impliserer også ei slags orientering mot utanrikspolitisk «realisme». Særleg i denne tråden har det ordet kanskje litt emmen smak (fordi somme uttala seg med sympati for Putin og/eller defaitsme på vegner av Ukraina i namnet til «realisme»), men i denne samanhengen tyder det mest at ein ikkje legg mykje vekt på om statar er «snille» eller «slemme».
Eg meiner det perspektivet er nyttig for å forstå, men har nokre manglar når det kjem til å ta stilling til dei store konfliktane i dag.
Ut over det verkar Simms som ein vesentleg meir produktiv forfattar enn Hobson, iallfall når det kjem til bokutgjevingar. Det kan vera bra og dårleg.
