Eg har hatt desse lenge. Eg og Edvin, som budde i kjellaren hjå meg, pakka dei opp i hagen i Gullfjordungsvegen, der eg budde før, på Voss ein solfylt sumardag. Me slepte dei ned frå hovudvegen.
Eg har hatt desse lenge. Eg og Edvin, som budde i kjellaren hjå meg, pakka dei opp i hagen i Gullfjordungsvegen, der eg budde før, på Voss ein solfylt sumardag. Me slepte dei ned frå hovudvegen. Dette var tidleg på 2000- talet, eg hugsar Edvin sin motorsykkel, Triumph Bonneville 750, sto under altanen, i ly for regnet. Han er motorsyklist, eg er audiofil. Stig Inge kjøpte høgtalarane brukt i Japan, og sende dei til meg. Trur du det hadde gått i dag? Og kva hadde det kosta? Dei er med sine 31 kg pr. stk so vidt mogeleg å løfta åleine, om du ikkje er oppvaksen på ein einbølt fjellgard eller driv med vektløfting. Objekta frå Electrocompaniet, som eg fortalde om i Del 1 i førre dagboka, er praktisk tala umogeleg å lyfta åleine. Eg bikka dei frå side til side langsetter golvet som ein statue frå Påskeøya.
KARAKTERFULLE HØGTALARAR DEL 2: YAMAHA NS-1000 MONITOR (1974 - )
NS 1000M har legendestatus. Dei er i bruk i mange studio den dag i dag, og i mange heimar. Det er ein av svært få japanske høgtalarar som er “godkjende” av audiofile i vesten, for japanarane har tydelegvis eit anna øyre eller ei anna oppfatning eller tradisjon enn oss om korleis ein høgtalar skal avstemmast. -Berre tull, seier Stig Inge, som bur i Tokyo, men la gå. Av ein eller annan grunn ser det ut til å vera Monitor-utgåva som er den mest omtalte og best likte, jamvel samanlikna med seinare og “forbetra” modellar. Dei var ganske dyre alt i 1974, og kostar no kring 10.000 kroner på bruktmarknaden, i alle fall for eit pent par. For dei er jo eit stilig par! Men sidan Yamaha både var og er ein masseprodusent, var dei likevel mykje rimelegare enn sokalla “high end”-variantar av i dag, og kan difor skaffast relativt rimeleg (brukt), for dei som vil prøva dei ut. Og det bør du faktisk gjera! For dette er high end, med kvalitet i alle ledd....
Les heile dagbokartikkelen i Audiophile.no
