Tweedjakke
Hi-Fi freak
Eg ser det er mykje snakk om tagging, særleg av klassisk musikk, i Mac ?-tråden.
Eg tykkjer den statiske organiseringa i eit fil-tre som Berxter fortel om, vitnar om ei veldig sunn innstilling. Den største føremonen trur eg at det frigjer mengder av tid som elles går med til å ordna musikken etter eit visst skjema, og den evige re-tagginga ein må gjera for å harmonisera systemet sitt når ein plutseleg finn på ei lur forbetring. Det burde jo ikkje vera naudsynt å systematisera meir enn at det var lett å finna det ein var på jakt etter. For dei som berre katalogiserer for å vera i stand til å finna fram, trur eg det er den absolutt beste måten å gjera det på.
For meg, som alltid har hatt (eller tilstreba) i orden bokhylla, platesamlinga og lausark-permane, kjenst likevel eit slikt minimalistisk system ganske lite tilfredsstillande.
På disken min er filene organiserte etter eit slikt fornuftig tre:
Klassisk/Komponist/Utgjeving
Klassisk/Utøvar/Utgjeving
Anna/Artist/Utgjeving
Der utgjeving er plate el. boks, utøvar er dirigent el. solist for utgjevingar med meir enn ein komponist og artist er band el. "ymse" (for samleplater ol).
Men: Alt er tagga i tillegg. Det er ei kjelde til minst like mange grå hår som andre får av kablar ;-)
For klassisk musikk møter vi det velkjende problemet at vi ønskjer å ta vare på informasjon både om utøver/utgjeving og komponist/verk. I ei ideell verd hadde vi minst hatt felt for:
Komponist
Verk
Sats
Utøvar
Utgjeving
Spor
på kvart spor, og kvart av desse fem felta har eigentleg mange underfelt:
Komponist: Namn, Sorteringsnamn
Verk: Namn, type, toneart, opus nr. el. katalognr, år verket vart komponert ...
Sats: Minst nummer og namn (merk: nummer er ikkje lik "spor nr." på utgjevinga)
Utøvar: Dette er eigentleg ei endeleg rekkje n-tuplar med (namn, rolle)
Utgjeving: Utgjevingsår (+ evt. år for remaster), platetittel, plateselskap, serienr
Spor
Med andre ord, klassisk musikk treng minst 10-15 felt pr. spor der pop/rock treng fire. Eller, treng og treng, fru Blom. Berxters minimalistiske system viser jo at ein ikkje treng alt dette.
Opera, som eg kjenner for lite, har vel eit anna feltsett igjen.
Eit grunnleggjande problem er sjølvsagt at det er hol i hovudet å ordna alt dette i ein flat 2D-tabell. Det er jo data som skrik etter å verta ordna i ein relasjonsdatabase, der iallfall verk, komponist og utgjeving burde vore ordna i eigne tabellar. Men, lat oss la det liggja. Tag-opplegget er no ein gong slik at det krev masse duplisering av informasjon og manuell harmonisering.
Vi har dimed, slik eg ser det, to moglege løysingar på problemet med metadata for klassisk musikk (altså, for få felt).
A. Velja/byggja gode, men ikkje-standard system
Det beste er kanskje at kvar og ein gifter seg med eit avspelingssystem der det er mogleg å definera eigne tags og sjølv definera korleis informasjonen skal representerast på skjermen. Foobar 2000, som eg bruker for tida, er veldig fleksibelt slik.
Problemet er at denne løysinga ikkje er portabel, så det vert enormt mykje arbeid å byta avspelingssystem. Dessutan vert alle desse online-databasene med plateinformasjon heilt ubrukelege, ikkje berre halvt brukelege som dei er i dag.
B. Definera ein syntaks for kvart felt i standardmodellen, slik at informasjonen iallfall er der
Dette er modellen MusicBrainz bruker (http://wiki.musicbrainz.org/ClassicalStyleGuide), og eg har ganske motvillig velt å bruka han sjølv. I kortform er han slik:
ARTIST: Komponist*
ALBUM: Platetittel (utøvarinformasjon)
TRACK NR
TRACK: Verk: Sats
YEAR: Innspelingsår
* dersom det er ei plate med fleire komponistar, vert ALBUM ARTIST lik hovudutøvar, og ARTIST lik komponist.
... og kvart element har ein strengt definert syntaks.
Spørsmålet om "album art" ligg litt utafor.
EDIT: Kvifor dette ikkje er særleg tiltalande:
1. Det er eigentleg å implementera eit nytt system oppå tags-systemet. Litt a la "tags-systemet er fundamentalt feildesigna, men det har iallfall nokre fritekstfelt som kan nyttast".
2. Felta for album og track vert så lange!
3. Det er ikkje superenkelt å få oversikt over kva ulike innspelingar ein har av same VERKET
Eg tykkjer den statiske organiseringa i eit fil-tre som Berxter fortel om, vitnar om ei veldig sunn innstilling. Den største føremonen trur eg at det frigjer mengder av tid som elles går med til å ordna musikken etter eit visst skjema, og den evige re-tagginga ein må gjera for å harmonisera systemet sitt når ein plutseleg finn på ei lur forbetring. Det burde jo ikkje vera naudsynt å systematisera meir enn at det var lett å finna det ein var på jakt etter. For dei som berre katalogiserer for å vera i stand til å finna fram, trur eg det er den absolutt beste måten å gjera det på.
For meg, som alltid har hatt (eller tilstreba) i orden bokhylla, platesamlinga og lausark-permane, kjenst likevel eit slikt minimalistisk system ganske lite tilfredsstillande.
På disken min er filene organiserte etter eit slikt fornuftig tre:
Klassisk/Komponist/Utgjeving
Klassisk/Utøvar/Utgjeving
Anna/Artist/Utgjeving
Der utgjeving er plate el. boks, utøvar er dirigent el. solist for utgjevingar med meir enn ein komponist og artist er band el. "ymse" (for samleplater ol).
Men: Alt er tagga i tillegg. Det er ei kjelde til minst like mange grå hår som andre får av kablar ;-)
For klassisk musikk møter vi det velkjende problemet at vi ønskjer å ta vare på informasjon både om utøver/utgjeving og komponist/verk. I ei ideell verd hadde vi minst hatt felt for:
Komponist
Verk
Sats
Utøvar
Utgjeving
Spor
på kvart spor, og kvart av desse fem felta har eigentleg mange underfelt:
Komponist: Namn, Sorteringsnamn
Verk: Namn, type, toneart, opus nr. el. katalognr, år verket vart komponert ...
Sats: Minst nummer og namn (merk: nummer er ikkje lik "spor nr." på utgjevinga)
Utøvar: Dette er eigentleg ei endeleg rekkje n-tuplar med (namn, rolle)
Utgjeving: Utgjevingsår (+ evt. år for remaster), platetittel, plateselskap, serienr
Spor
Med andre ord, klassisk musikk treng minst 10-15 felt pr. spor der pop/rock treng fire. Eller, treng og treng, fru Blom. Berxters minimalistiske system viser jo at ein ikkje treng alt dette.
Opera, som eg kjenner for lite, har vel eit anna feltsett igjen.
Eit grunnleggjande problem er sjølvsagt at det er hol i hovudet å ordna alt dette i ein flat 2D-tabell. Det er jo data som skrik etter å verta ordna i ein relasjonsdatabase, der iallfall verk, komponist og utgjeving burde vore ordna i eigne tabellar. Men, lat oss la det liggja. Tag-opplegget er no ein gong slik at det krev masse duplisering av informasjon og manuell harmonisering.
Vi har dimed, slik eg ser det, to moglege løysingar på problemet med metadata for klassisk musikk (altså, for få felt).
A. Velja/byggja gode, men ikkje-standard system
Det beste er kanskje at kvar og ein gifter seg med eit avspelingssystem der det er mogleg å definera eigne tags og sjølv definera korleis informasjonen skal representerast på skjermen. Foobar 2000, som eg bruker for tida, er veldig fleksibelt slik.
Problemet er at denne løysinga ikkje er portabel, så det vert enormt mykje arbeid å byta avspelingssystem. Dessutan vert alle desse online-databasene med plateinformasjon heilt ubrukelege, ikkje berre halvt brukelege som dei er i dag.
B. Definera ein syntaks for kvart felt i standardmodellen, slik at informasjonen iallfall er der
Dette er modellen MusicBrainz bruker (http://wiki.musicbrainz.org/ClassicalStyleGuide), og eg har ganske motvillig velt å bruka han sjølv. I kortform er han slik:
ARTIST: Komponist*
ALBUM: Platetittel (utøvarinformasjon)
TRACK NR
TRACK: Verk: Sats
YEAR: Innspelingsår
* dersom det er ei plate med fleire komponistar, vert ALBUM ARTIST lik hovudutøvar, og ARTIST lik komponist.
... og kvart element har ein strengt definert syntaks.
Spørsmålet om "album art" ligg litt utafor.
EDIT: Kvifor dette ikkje er særleg tiltalande:
1. Det er eigentleg å implementera eit nytt system oppå tags-systemet. Litt a la "tags-systemet er fundamentalt feildesigna, men det har iallfall nokre fritekstfelt som kan nyttast".
2. Felta for album og track vert så lange!
3. Det er ikkje superenkelt å få oversikt over kva ulike innspelingar ein har av same VERKET