Eg trudde også eg var heilt avhengig av pinpointing. Men det var eg ikkje - det går fint så lenge det høyrest ut som pinpointing....og du kan oppleve kvar dei einskilde musikkutøvarane er plasserte, om dei er tredimensjonalt attgjevne, korleis akustikken er, og korleis musikarane arbeider. Velidg fasinerande med mikrodetaljnivå, men strengt tatt ikkje så interessant i lengda, spør du meg. Det høyrest ikkje slik ut frå ei scene. Ikkje ein gong tett på.
Er du heilt sikker på at det er ekte pinpointing du opplever frå Mirage? Tilsvarande konvensjonelle høgtalarar av framifrå kvalitet? Eg opplever Mirage (OMserien, i langt sterkare grad enn dei gamle, svære) som filosofisk rundstråande, og med pinpointliknande definisjon av lydbildet.
Eg har diverre ikkje vore i Lillestrøm konserthus, og det er vel lite sannsynleg at vi har same konsertsalreferansar. Men eg har vel hatt tillaup til pinpoint-aktig symfoniattgjeving i Hjertneshallen i Sandefjord, når eg sit langt framme. I Grieghallen går det ikkje, sjølv om du er veldig langt framme. På tredje til sjuande rad i operasalen på Nordfjordeid er det rimeleg likt anlegget mitt, iallfall på ein del musikk eg har fått referanse på. Så var eg i ei kyrkje i London ein gong, der det var slikt "pinpointaktig" lydbilde. Nokre mindre rom er veldig fine til mindre orkester, t.d. nokre samfunnshus her og der, men dette er lite kartlagt rundtomkring.
Opptaka er avgjerande for kor naturalistisk det heile høyres ut, sjølvsagt. Men konsertsalane varierer, og kvar du er. På ein konsert av Vestlandsk Sommarsymfoni i Stadlandet Grendahus for mange år sidan, var orkesteret så stort at dei måtte sitte i salen, saman med publikum. Akustikken var relativt god, men eg var faktisk nærare solofiolinisten (dei spelte Scheherazade) enn dirigenten....interessant, men om eg hadde hatt eit tilsvarande opptak, hadde eg sagt det ikkje var realistisk. Alt for tydeleg nærmikrofon på fiolinen...
Symmetri er viktig for høgtalaroppsett, men det er ingen grunn til å verte heilt kategorisk. Ein må jobbe seg fram til rett høgtalaroppsett uansett, og med mbl har eg hatt den vanskelegaste jobben så langt. Akustiske tiltak er nok lurt, og det beste er å starte med bygginga av rommet, er eg redd. Men du verda, kor langt ein kjem med enkle midlar også.