No har eg ikkje prøvd 988 og 989, men dersom dei oppfører seg som andre elektrostatar, vil det vere relativt mykje skilnad på ulike effektforsterkarar som vert brukt på dei. Fulltoneelektrostatar er glade i effektforsterkarar som sparkar litt (gjerne med mykje tilbakekopling), eller i røreffektforsterkarar (som gjerne ikkje har så veldig kontroll i bassen. Men til gjengjeld krev det ikkje så mykje "kontroll" på desse elektrostatmembranane)
Martin Logan - hybridar av ymse slag (og dessutan mine InnerSound Eros) har gjerne biamping til bassen, som er dynamisk, og såleis stort sett oppfører seg som andre høgtalarar.
Elles har Rudi rett rundt dette med "vanskelege" høgtalarar, men sjølvsagt, dersom du har ein ganske måtehalden forsterkar på 15 - 20 Watt, har denne det ikkje kjekt i utgangspunktet om han må levere denne effekten i eit impedanseområde nær 1 ohm...
Største skilnaden på Quad (mine erfaringar er altså med 57 og 63, ikkje dei nye) og hybridar, er ikkje kravet til effektforsterkar, men til plasseringa. Fulltoneleektrostatar treng større avstand til bakvegg. Ein hybridhøgtalar er ofte lettare å plassere (medan fulltoneelektrostatane gjerne er mest "gjennomsiktige" i lydbilde og mikrodynamikk. Den heilt nye generasjon Martin Logan verkar som eit unntak, men eg har så langt berre høyrt dei på messe...)
MC 275 sin største "magi" ligg etter mi meining i mellomtonen. Perfekt til rockemusikk. Det er lenge sidan eg har høyrt Krell, men det eg var mest imponert over den gongen, var bassen....