Eg brukar Mirage Omnisat til heimekino. Eg er godt fornøgd med lydkvaliteten, sjølv om det må innrømmast at også desse høgtalarane har ein viss eigenlyd (som alle andre uansett pris, og definitivt i denne prisklassen). I tillegg til 3 slike, har eg Nanosat frå same produsent som bakhøgtalarar. (Sjekk
http://www.audiophile.no/Publisering.asp?Id=255)
Det store med desse høgtalarane er at dei er ganske rundstrålande, og lagar eit truverdig lydbilde i nesten heile rommet, i eit sweetspot som er langt større enn på vanlege høgtalarar. Dette er ikkje berre nyttig når vi ser heimekino, men når dei ulike familiemedlemene skal vere i rørsle, t.d. danse, spele Playstation (EyeToy er god trim), spele dart eller trimme litt til musikk.
Beste lydresultat får eg med ein stereo JoLida 102b rørforsterkar på 20W, der eg tek bassen ut til ein subwoofer. Dette gjev ein flott lyd, og med sub spelast det meir enn høgt nok til all fornuftig bruk (skal også teste ut ein 202A på 35W, og ein Ming Da tilsvarande stor rørforsterkar). Elles tåler dei 150 W etter det produsenten seier, og med 89 dB/Wm burde det klare seg. Men dei spelar ikkje noko under 70 Hz, så ein sub er på sin plass.
Elles har Bose med sitt lifestyle-system ei løysing som let godt frå nesten alle posisjonar, og med den lettaste oppstillingsprosedyren som finnest på marknaden. Litt dyrt, men ofte på tilbod.
Sjekk også ut alle innfellingshøgtalarane som no har kome til på marknaden. Mirage har ein "Omnican" etter Omniprinsippet, i tillegg til "vanlege" innfellingshøgtalarar, men sjekk også dei nye frå Klipsch, JBL, KEF, Focal og B&W som du var inne på. (sikkert nokre eg gløymer også) Desse har eg ikkje fått prøvd under kontrollerte tilhøve, då det vert ståande stygge hol i veggane etter at eg har retunert prøveeksemplara til importørane....
Men det eg har høyrt av innfellingshøgtalarar, er at for dei trangbudde må dette vere langt lettare å få godlyd av enn tradisjonelle høgtalarar som vert utsatt for brutale plasseringskomporomiss.